Má tá am le caitheamh, caith ag obair é.
If you want to kill time, try working it to death.
An leagan Gaeilge uaimse, an leagan Béarla ó Sam Levonson, más fíor an méid a léigh mé anseo.
Mar atá scríofa sa leabhar Seanfhocla Chonnacht,
Is fearr obair ná caint.
Déan obair, a chapaill, is gheobhaidh tú coirce.
Is fearr déirc ná goid, is fearr obair ná déirc.
Is fearr díomhaoineach ná obair in aisce.
Maidir leis an seanfhocal deireanach sin, chuir mé é san áireamh anseo mar ba mhaith liom cúpla focal a rá faoi na focail sin 'in aisce.'
Bhí an nath cainte 'saor in aisce' faoi chaibidil agam féin agus ag an Dómhnallach inné, mar a tharla sé, agus thugamar faoi deara go bhfuil an nath sin 'saor in aisce' cloiste ag an mbeirt againn go mion minic; ach tá an rud 'saor' nó tá sé 'in aisce' - ní féidir leis, mar sin, bheith 'saor in aisce' an féidir?
5 comments:
Is féidir.
Ní hionann saor agus gan chostas i gcónaí, ach is ionann saor in aisce agus gan chostas!
Obair in aisce áfach gach castacht sa chaint a thuiscint!
Jóc: cén difear idir "saor" ⁊ "in aisce"?
Saor a fuair mise m'oideachas, agus in aisce a fuair tusa é! ;-)
(Scéal grinn a chuala sa Ghearmáinis áit a bhfuil an focal umsonst débhríoch)
Táim den bharúil, nuair atá 'saor' in úsáid gur 'ar ardaigh orm' atá i gceist .i. cheap nó for half nothing agus ní dóigh go ndéarfadh duine it's cheap free ná fiú it's free free i mBéarla - tá sé 'saor' nó tá sé 'in aisce', ach chan an dá rud le chéile .i. 'saor in aisce' cheapfainn féin.
Sampla údarásach ón gCorpas:
http://corpas.focloir.ie/
Tá breis acu ann!
Bhí eolas ag an Súilleabhánach ar áit a bhí in aice láimhe mar a bhfaighfeá tráth bia saor in aisce agus shocraíomar dul ann . -- Diarmaid Ó Gráinne, An Traimp
Bearna ama agat id shaol? Pladail siol,tor, crann. Ag deanamh aithris ar Dhia ata tu. Nil cumas aiceann ag mo Kindle.
SeanO
Is iomaí 'sampla údarásach' léite agam, agus luaite liom, as leabhair éagsúla, a Aonghuis, ach ní hé sin le rá go n-aontaím leo uilig..:-)
@ Kindle
Is cuma, a Sheáin, mar thuig mé do sheanfhocal nua, go raibh maith agat!
Post a Comment