Scaoil Amach an Buicéad...Ó!

Deis agaibh, a chairde na Gaeilge, tacaíocht a thabhairt don charthanas IMNDA abhus (téacs MND chuig 50300), nó don charthanas ALS thall (modh deonaithe anseo), mura miste libh.

Ar scáth a chéile, an dtuigeann sibh...

Snámh Phádraig

Teachtaireacht, thíos, ó Aodhán Ó Deá, ceann a chonaic mé ar an suíomh Gaeilge Amháin thall ar Facebook anois díreach. 

Is teachtaireacht í maidir leis an ócáid iontach sin, Snámh Phádraig, atá eagraithe ag na daoine óga iontacha sin, thíosluaite ag Aodhán, do Phádraig Schaler, leaid óg a gortaiodh go dona thall ar Cape Cod, an bhliain seo caite.

Brostaígí oraibh, a léitheoirí - ní theastaíonn ach cúpla míle euro eile uatha agus ansin, ahem, beidh oraibh bhur súile a choinneáil dúnta..;-)

Aodhán Ó Deá

4 uair ó shin

Táimíd dochreidte buíoch don airgead atá ag teacht isteach go leanúnach ach creidimíd go bhfuil spreagadh breise ag teastáil go láidir don lá deireanach. Tá leath de na snámhaithe, idir bhuachaillí 's chailiní sásta tabhairt faoin dara trá dheireanach, Baile na Cúirte, LOMNOCHT (Le Griangraif mar Fhianaise) má shroicimíd €33,333 ar idonate roimhe sin. Tá go dtí 19:00 agat cabhrú linn anseo:http://bit.ly/donatepadraig #snámhphádraig — ag Ballyvaughan, Co. Clare.

Feachtas Óg-Ghluaiseacht na Gaeilge

Mar eolas daoibh, a thuismitheoirí, an giota seo a leanas feicthe agam thall ar an suíomh Gaeilge Amháin ar Facebook,

'Tá Feachtas Óg-Ghluaiseacht na Gaeilge ag eagrú turais óige chuig Páirc an Chrócaigh ar an 1ú Márta mar chuid de Sheachtain na Gaeilge. Tá an turas seo dírithe ar Ghaeilgeoirí óga idir 12-18 bliana d’aois. Beidh deis ag na daoine óga turas timpeall Pháirc an Chrócaigh a dhéanamh, mar aon le cuairt a thabhairt ar an músaem agus an Ethiad Skyline a dhéanamh. Is deis iontach é seo do na Gaeilgeoirí óga bualadh le daoine eile ar chomhaois leo agus lá spraíúil trí Ghaeilge a bheith acu. 

Costas €7.50 roimh an 17ú Feabhra! Chun tuilleadh eolais nó foirm iarratais a fháil, cuir rphost chuig Ciara ciara.feachtas@gmail.'

Tuilleadh eolais faoi feachtas.ie le léamh anseo. 

Neadió Teilifís Áine

Aiféala orm, a chairde, ach bhain moill dom agus mé ag iarraidh go mbeadh an físeán is déanaí agaibh, ach tá sé le fáil anois, ar YouTube anseo, agus tá súil agam go mbainfidh sibh sult as. Bhí na meantáin mhóra, agus na meantáin mhóra bheaga, gnóthach, mar a fheicfidh sibh. 

Pé scéal é, is fearr go mall ná go brách, mar a deirtear. Mo chuimhne, tá giota beag suimiúil, maidir leis an bhfocal sin 'brách', ag Dennis, mo chomhbhlagálaí, le léamh anseo. 

Ó tharla go raibh mé as blag, nó as baile, le seachtain nó dhó nó trí, nílim bord ar bhord lena bhfuil ag tarlú ar an mblagsféar, ná lena bhfuil ag tarlú thall ar Gaeilge Amháin ar Facebook, ach sin mar a bhíonn an scéal, go minic, nuair a bhíonn barraíocht idir lámha ag an duine nach bhfuil ag déanamh tada ag an am céanna. Feictear dom. 

Ah bhuel, sin mar a bhíonn an saol, a léitheoirí, agus an rud a deir an saol, is fíor é. Cibé faoin seanfhocal sin, creidim i bhfocail an tseanfhocail eile, tóg d'am, mairfidh an saol i do dhiaidh; agus tá bá nach beag agam leis an seanfhocal a deir, ní luas do dhuine é féin a thachtadh. (Seanfhocla Chonnacht; ceannteideal 'Deifir')

Mar sin, beidh mo ghreim á chogaint go maith agam agus, ar an gcaoi sin, ní thachtfar mé. tá súil agam. Idir an dá linn, bainigí sult as an bhfíseán, a chairde.