Focail Féilire

Beatha duine a thoil.

Most folks are about as happy as they make up their minds to be.

Is ó Abraham Lincoln a tháinig an leagan Béarla, feictear dom, agus fuair mé an leagan Gaeilge sa leabhar Seanfhocla Chonnacht, faoin gceannteideal ‘Toil.’

Tuilleadh ón leabhar sin, ag cloí leis an téama, ar bhealach, b’fhéidir, leis na ceannteidil ón leabhar i gcló dubh:

Toil

Áit a bhfuil toil tá bealach.

Is ionann aontú is éifeacht.

Tnúth a ghníos treabh.

Sócúlacht

Cúl gaoithe is aghaidh gréine.

Suigh ar do shócúlacht agus lig do dhócúlacht thart.

An lá is fuaire amuigh, bíonn sé té istigh.

Ní tháinig tinneas ariamh sa gceann compoirdeach.

Sláinte

Imíonn an mhéanfach ó bhéal go béal.

I gcosa duine a bhíos a shláinte.

Sástacht

Fág maith go leor mar atá sé.

Fleá shíor intinn shásta.

Glac a bhfaighe tú is bí buíoch gan tada.

Imigh leis an saol is tiocfaidh sé thart.

Is leor don dreoilín a nead.

Ní bhíonn rath ar an síorchlamhsán.