Faoin am seo amárach, beidh mé i mBarcelona, tá súil agam.
‘Tá Barcelona go hálainn!’ a dúradh liom, arís is arís eile, ó luaigh mé le daoine go raibh mé ag dul ann. Bhuel, is gearr go mbeidh an fhianaise os mo chomhair, a léitheoirí, agus táim ag dúil go mór leis an áit a fheiceáil, caithfidh mé a rá.
Ní bheidh mo ríomhaire glúine liom agam, ó tharla gur gheall mé do mo chara, mo chompánach taistil, nach dtabharfainn liom é. Tá An Garraíodóir den bharúil nach mairfidh mé gan é. Is dóigh gurb é, ahem, an ríomhaire glúine atá i gceist aige, chan é féin, an dtuigeann sibh. Sea.
Cé go mbeidh mé i bhfad ó bhaile, ní bheidh mé i bhfad as baile. Tá súil agam nach mbeidh sibh uaigneach i m’uireasa, a léitheoirí, ach tá an bhean seo ag dul ag Rambláil…
11 comments:
Go n-éirí an t-eitleán leat!
;-)
Bon Voyage!
Ná déan dearmad ar d'uachtar gréine.
Go n-éirí do thuras leat. Deá smaoineamh dul gan gléasanna! Súil agam áfach go bhfuil leabhar nótaí agat, d'fhonn Immram Áine ar na Ramblas a thuairisciú dúinn
Smaoinigh orainn agus tú ag rambláil ar an Ramblas...téir suas chomh fada le Tibidabo le radharc álainn ar an gcathair...
Ainm iontach é sin Tibidabo. Deir Muintir na háite gurbh ann a thug an Diabhail Críost chun cathú a chuir air. (Féach Lúcás 4:6 Tibi dabo = tabharfaidh mé duit)
¡Buen viaje!
Bain taitneamh as!!!
Tabhair aire dod' thiachóg i mBarrio Chino!
bain sult!
Go raibh maith agaibh, a chairde!
Tuilleadh uaim faoin aistear, amach anseo. Tuirse aerthurais, an dtuigeann sibh...
Post a Comment