Saturday, March 12, 2011

Cáca Pórtair

Ar mhaith leat cáca pórtair a dhéanamh do Lá Fhéile Pádraig? Seo chugat ceann a rinne mo mháthair, ní ba luaithe.

Agus mé ag breathnú ar an bhfíseán seo, chuir sé m’óige i gcuimhne dom.  Dhéanadh mo mháthair cácaí iontacha. Nuair a bhíodh an cáca san oigheann, bhíodh cead againn an babhla a lí, sula níodh sí é.

Anois, tá farraige mhór Atlantach eadrainn ach, mar sin féin, táim in ann boladh an cháca sin a fháil fós…

5 comments:

ormondo said...

GRMA agat as an bhfíseán a roinnt linn. Feicim go bhfuil do mháthair an-ghníomhach, bail ó Dhia uirthi.

Tá cuma bhreá ar an gcáca. Cuireann sé an cáca pórtair i gcuimhne dom a bhíodh sa teaghlach againn ag am Nollag.

Míshásta said...

Iom-iom-IOM! Tá uisce lem' fhiacla is mé ag breathnú ar an bhfiseán san.

Ach rud beag amháin - tá's agam go ndeirtear fúinn go mbímíd róghoilliúnach anseo i gCorcaigh, ach fós féin NÍ HIONANN STOUT AGUS GUINNESS. Tá Murphys agus Beamish ann leis.

Beannachtaí na Féile ar do mhathair agus ar do mhuintir uilig.

Mise Áine said...

@ Ormondo

GRMA. Déanann sí cácaí áille, bail óna Cé uirthi. Is deas ann iad ár gcuimhní cinn, a chara.

@ Míshásta

ASG!

Cuirfidh mé píosa den cháca chugat, lá breá éigin, le thú a mhilsiú, mar a déarfá...:-)

Dennis King said...

Margarine? Nach mbeadh im níos fearr?

Dála an scéil, an mbraitheann tú go bhfuil tuin Mheiriceánach ar do mham anois?

Mise Áine said...

@ 'Nach mbeadh im níos fearr?

Ní bheadh leid dá laghad agam, a Dennis! Ní duine mé a dhéanann cácaí - is léir go ndeachaigh an ghéin sin amú orm. :-)

@ 'tuin Mheiriceánach'

Ní bhíonn, nuair a bhíonn sí sa mbaile, ach chuala mé rian den tuin uaithi ar an bhfísean sin, ceart go leor.

Deirtear fúm féin, nuair a bhím sa mbaile i gConamara, go bhfuil rian de chanúint Dhún na nGall i mo chuid cainte, ach ní thugtar í faoi deara sna bólaí seo, muise, áit nach gcloiseann daoine ach canúint bhreá na Gaillimhe, is cuma Béarla nó Gaeilge á labhairt agam!