Tuesday, June 5, 2012

Show ar an Late Late?

Bhí mé ag breathnú ar an teilifís oíche Dé hAoine seo caite, nuair a bhí an Late Late Show ag ceiliúradh 50 bliain ar an bhfód.  Tá neart scríofa faoin gclár céanna thar na blianta, agus scríobhadh neart ón Aoine seo caite, anseo 'gus ansiúd.

Daoibhse nach bhfuil ar an eolas faoin seó seo, craoltar beo é, agus más rud é go ndéantar botún, bhuel, déantar beo ar an aer é, agus ní féidir na focail, ná na gníomhartha, a tharraingt siar.

Feictear dom, agus mé ag breathnú ar an gclár Dé hAoine, go ndearna an láithreoir, Ryan Tubridy, jab maith, rud nach raibh éasca, ó tharla duine nó dhó le, ahem, deoch nó dhó ólta acu roimh ré, shílfeá.

Ach, céard faoi gheáitsí Twink an oíche úd? Tá sé léite agam, thar na blianta, gur taibheoir an-mhaith í. B’fhéidir gur fíor sin ach ní dheachaigh a cumas aisteoireachta ná stáitse i gcion orm féin riamh.

É sin ráite, is cosúil go bhfuil daoine ann a cheap go raibh sí brilliant’ oíche Dé hAoine. Agus mé ag breathnú uirthi beo ar an seó, caithfidh mé a admháil nach é brilliant an focal a rith liom féin, ach botún.

4 comments:

ormondo said...

Táim i ndiaidh féachaint ar an seó ó thús deireadh mar thoradh ar do bhlagmhír agus bhain mé an-taitneamh as. Hiberniana ceart a bhí ann.

Agus maidir le Twink... ar uairibh, ba bhinne a béal agus é ina thost.

Mise Áine said...

@ bhain mé an-taitneamh as.

Mise freisin, a Fhearghuis.

@ ar uairibh, ba bhinne a béal agus é ina thost.

Go deimhin..:-)

John said...

*Faraor* ní fhaca mé an seó sin. Ach seo duit achoimre 30 soic air díobh siúd atá róghnóthach an clár iomlán a fheiscint...

http://www.broadsheet.ie/2012/06/05/the-late-late-50th-anniversary-in-30-seconds/

Mise Áine said...

Greannmhar..:-)