Thursday, May 5, 2011

An Raibh a Fhios Agaibh...

…go bhfuil pirimid againn in Éirinn, a léitheoirí?

Bhuel, tá, agus ní raibh a fhios agamsa a dhath fúithi, go dtí gur chuala mé Joe Duffy á lua, ar a chlár inniu.

Ní raibh ann ach sórt ‘mo chuimhne’ uaidh, ach luaigh sé an phirimid ó tharla é ag labhairt le bean a bhí ag dul ar saoire go Cionn Eitigh i gCo. Uíbh Fhailí, áit ina bhfuil an phirimid tógtha, dar leis.

Caithfidh mé a admháil gur shíl mé féin gur ag magadh a bhí sé, ach bhí sé lán dáiríre, a dúirt sé - leis an mbean a dúirt sé é, chan liomsa, an dtuigeann sibh, cé go raibh mise ag éisteacht, i ngan fhios dó.  

Pé scéal é, agus ar fhaitíos nach gcreideann sibh mé, tá scéal na pirimide gaelaí le léamh anseo. Tógadh í idir 1830 agus 1834, agus is mionmhacasamhail de Phirimid Mhór Cheops na hÉigipte í.

Nach iontach na rudaí a chloiseann bean, agus í ag cúléisteacht…

4 comments:

Anonymous said...

Bhfuil mumaithe aici?

Mise Áine said...

Ar an suíomh, deirtear go bhfuil inti '6 coffins belonging to the Bernards of Kinnity Castle' - d'fhéadfaidís bheith mumaithe, ach m'anam má tá a fhios agamsa!

John said...

Nach deas an rud é.

D'fhéadfadh leis an rialtas fostaíocht a chruthú sna tionscail tógála agus turasóireachta lena leithéid de leacht a thógáil timpeall na tíre.

Táim cinnte go gcuirfeadh scéim phirimide deireadh leis an ngéarchéim eacnamaíochta ;)

Mise Áine said...

Gan dabht, a John...:-)