Brian Cowen san fhuacht? Ní dóigh liom é. Feictear dom go bhfuil craiceann tiubh ar an bhfear sin, rud nach bhfuil ar an bhfear sneachta thuas, fear sneachta a tógadh i rith na drochaimsire i gCarn Domhnach, a bhuí leis an ealaíontóir áitiúil, Kenny Kelly.
Is léir go bhfuil ceisteanna le freagairt ag an Taoiseach, ach nuair nár cuireadh an ruaig air tar éis na heachtra seo, mar shampla, ní dóigh liom go bhfuil aon deifir ar a chomhghleacaithe, ná ar a chomhpháirtithe, scaoileadh lena ngreim ar thír ná ar Thaoiseach.
Mar sin féin, táim den bharúil go bhfuil an leá ar an mbealach...
Go raibh coscairt luath polaitíochta i ndán dúinn: máille sruth láidir go leor chun stáblaí Augeas na Dála a sciúradh!
ReplyDelete(Is breá liom an dealbh, dála an scéil)
ReplyDeleteAch, cá bhfuil Heracles!
ReplyDeleteCraiceann tiubh? Seithe chrogaill, déarfainnse!
ReplyDeleteTá an rúndiamhair darb ainm Brian ag éirí níos rúndiamhaire in aghaidh an lae.
An i ngaiste séanta, i dtearmann séanta nó i dteach tábhairne séanta féin atá sé?
Nó an é go bhfuil cruinne chomthreorach ann dáiríre agus go bhfuil ag éirí go seoigh leis mar Thaoiseach thall sa chruinne eile?
Ba cheart don ealaíontóir céanna piñata a dhéanamh de, le go mbeadh deis ag daoine é a bhualadh le maidí, lorgaí, camáin, bataí is cleitheanna ailpín. Ar mhaithe leis an teiripe atá mé a rá.
ReplyDelete@ 'Nó an é go bhfuil cruinne chomthreorach ann dáiríre agus go bhfuil ag éirí go seoigh leis mar Thaoiseach thall sa chruinne eile'
ReplyDeleteMá tá, níl sé ag foghlaim aon cheacht ón gcruinne sin, feictear dom, a Ormondo.
@ 'Ar mhaithe leis an teiripe atá mé a rá.'
Níl a fhios agam céard a tharla den fhear sneachta, ach tháing an leá...:-)